Debatet në lidhje me shtyrjen ose jo të datës së zgjedhjeve vijojnë të jenë temë e ditës për mediat, politikanët dhe qytetarët. Kreu i Bindjes Demokratike deklaroi në Repolitix se zgjedhjet nuk mund të shtyhen se do vetëm njëra palë.
“Zgjedhjet shtyhen kur duan të gjitha palët. Presidenti nuk mund t’i shtyjë zgjedhjet vetëm se do njëra palë. Ne jemi të përgatitur të futemi në zgjedhje dhe do futemi në këtë proçes kurdo që të mbahen ato. Ne kemi dashur që në këtë proces të jenë të gjithë aktorët”, tha Patozi.
Demokratët përbetohen se zgjedhjet nuk do të mbahen me 30 qershor, madje disa prej tyre mendojnë se do të sabotohen nga militantët e tyre në se ato zhvillohen në këtë datë. Ndërkohë kryeministri Rama ka shptrehur vendosmërinë e tij se zgjedhjet do të mbahen në datën e dekretuar nga Presidenti Meta.