Arno Dübel, njeriu që njihej si “i papuni më i famshëm”, ka ndërruar jetë Gjermani, në moshën 68-vjeçare. Dübel vdiq në një spital të Hamburgut dy javë më parë, sipas mediave gjermane.
Për gati 50 vjet, ai nuk punoi dhe jetoi në kurriz të shtetit. Ai tha se i ka pëlqyer kjo mënyrë jetese, prandaj në vitin 1976 nuk e ka vazhduar më shkollën dhe se sigurimet shoqërore i paguajnë qeranë dhe shpenzimet e jetesës.
20 vite më parë ai u bë i famshëm me deklaratën; “Të gjithë ata që punojnë janë budallenj” dhe shpeshherë ishte i ftuar në emisionet gjermane.