Zëvendësministrja e Arsimit, Lorena Haxhiu sqaron atë që në media u konsiderua një gafë gjatë fjalës së saj në Panairin e Punës.
Në logjikën e zakonshme, ka kuptim shprehja “atë që do të mbjellësh, do të korrësh”, por zv/ministrja duket se ka shkuar më tej në këtë logjikë, kur thotë se “atë që do të korrësh në panair, do ta mbjellësh në të ardhmen”.
Më poshtë reagimi i plotë i zv/ministres:
“Ka tekst, por ka edhe kontekst” – citonte dikur një profesori im në auditoret e Fakultetit.
M’u kujtua sot, teksa portalet e futën në makinerinë e tyre dhe e nxorën të deformuar e jashtë kontekstit fjalën time të djeshme në çelje të Panairit të Punës.
“Atë që ju do të korrni (në panairin e punës), atë do të mbillni dhe në të ardhmen (në tregun e punës)!” ishte fjalia ime përmbyllëse drejtuar të sapodiplomuarve, teksa prisnin të vizitonin stendat, për të korrur frytet e punës së tyre, pas vitesh të tëra studimi, lodhjeje, mundi e sakrifice. Duket që nuk paska patur mjaftueshëm lajme të këqija dje… Nice try