Një shqiptar nga Kosova ka qenë shënjestër e një atentati mesditën e kësaj të mërkure në Berlin.
55-vjeçari, identiteti i të cilit nuk bëhet me dije, po lëvizte me automjetin e tij tip “Audi”, kur u qëllua me armë zjarri nga një person i paidentifikuar.
Nga të shtënat, 55-vjeçari ka mbetur i plagosur me një plumb në shpatull.
Autoritetet gjermane janë duke punuar për identifikimin e atentatorit dhe zbardhjen e rrethanave të ngjarjes.