Sokol Çelaj, ka ndërruar jetë mbrëmjen e djeshme në spitalin e Shkodrës, pasi i është bërë një atentat teksa ai lëvizte me makinë. Ngjarja ka ndodhur në orën 22.50 të mbrëmjes së djeshme, në fshatin Reç, Malësi e Madhe.
Viktima ka qenë duke lëvizur me makinën e tij kur është qëlluar me breshëri plumbash, të cilat fatkeqësisht i kanë marrë dhe jetën. Sokol Çelaj është transportuar në spitalin e Shkodrës por ka ndërruar jetë si pasojë e plagëve të marra.
Shërbimet e Policisë kanë ngritur pika kontrolli dhe vijon krehja e zonës për identifikimin dhe kapjen e autorëve. Grupi hetimor nën drejtimin e Prokurorisë po vijon punën për sqarimin e rrethanave të kësaj ngjarje.
Malësi e Madhe/ Informacion paraprak
Më datë 26.08.2021, rreth orës 22:50, në fshatin Reç, Malësi e Madhe, në rrethana ende të paqarta është qëlluar me armë zjarri shtetasi S. Ç. i cili ka qenë duke lëvizur me automjetin e tij.
Shtetasi S.Ç, pasi është transportuar në spitalin e Shkodrês ka ndërruar jetë si pasojë e plagëve të marra.
Shërbimet e Policisë kanë ngritur pika kontrolli dhe vijon krehja e zonës për identifikimin dhe kapjen e autorëve. Grupi hetimor nën drejtimin e Prokurorisë po vijon punën për sqarimin e rrethanave të kësaj ngjarje.