Dy persona, që dyshohet se kanë marrë pjesë në atentatin ndaj ish-prokurorit e tashmë deputetit të PD-së Arjan Ndoja B.P. dhe A.Sh po përballen tashmë në gjyq. Procesi ndaj tyre po zhvillohet i ndarë nga pjesa tjetër e të pandehurve.
B.P vazhdon që të jetë në kërkim ndërkombëtar. Gjykata ka thënë se thirrja e tij është bërë me shpallje publike, po ashtu edhe në adresën e banimit. Gjithashtu, është marrë informacion nga Interpol Tirana.
B.P është lokalizuar në SHBA dhe iu është dërguar autoriteteve amerikane kërkesa për ekstradimin e këtij të fundit. Mirëpo, sipas shkresës që Interpol i ka sjellë gjykatës, nuk ka informacion se çfarë ka ndodhur me këtë proces.
SPAK kërkon që të vijojë procesi në mungese të B. P. Ky i fundit i ka kërkuar gjykatës gjykim të shkurtuar nëpërmjet një email të dërguar avokatit të tij S.V. Por kërkesa nuk ka ardhur në formën e kërkuar nga ligji dhe për këtë arsye, nuk mund të pranohet.
Avokati i A.Sh. kërkon kohë qe të njihet me aktet e dosjes pasi është zgjedhur vetëm një ditë më parë. Gjyqi u shty, pasi avokati i A.Sh kërkoi kohë që të njihet me aktet. Seanca e radhës do të mbahet në 11 mars, ora 11:00.