Të tjera detaje kanë dalë nga atentati i mbrëmjes të së dielës në Rrilë të Lezhës, ku shënjestër ishin djemtë e fisit Nikulaj.
Pas ndalimit të efektivit të Policisë, Besart Kovaçi, i cili ishte në berberhanën ku ndodhi ngjarja dhe qëlloi me armë zjarri në momentin e atentatit, është zbuluar se nga pistoleta e tij janë qëlluar 10 plumba dhe jo 4 siç u pretendua më herët.
Këto të dhëna kanë dalë pasi është mësuar se në armën e shërbimit të Kovaçit kishte 15 plumba dhe pas të shtënave, kishin mbetur vetëm 5 plumba.
Ndërkohë brenda berberhanes janë gjetur 16 gëzhoja pistolete, 10 të policit dhe 6 gëzhoja të një arme të dytë, armë e cila nuk është gjetur.
Një nga 3 personat brenda, përveç policit, dyshohet po ashtu të ketë qëlluar me këtë pistoletë.
Ndërkohë hetimet vijojmë për zbardhjen e plotë të ngjarjes dhe vënien para përgjegjësisë të të gjithë të dyshuarve si të përfshirë.