Ky është momenti i përplasjes mes Jetmir Muçollarit dhe Ilir Berberit jashtë dyerve të gjykatës së Pogradecit.
Ilir Berberi i njohur si Liri i Rrushkës, bashkë me disa pjesëtarë të grupit të tij, i bllokojnë rrugën Jetmir Muçollarit, kur ky i fundit tenton të hyjë në gjykatë.
Ngjarja ka ndodhur në 10 shkurt të vitit 2020, kur Muçollari shkon në Gjykatën e Pogradecit për të dëshmuar për djegien e makinës së tij, për të cilën akuzon Mariglen Topuzi, shok me Ilir Berberin.
Për të penguar dëshminë ndaj Topuzit, Berberi dhe miqtë e tij, i zënë rrugën Muçollarit duke debatuar për disa momente me të jashtë gjykatës.
Topuzi ka qenë i arrestuar dhe më pas është lënë i lirë rreth dy muaj më parë.
Sipas policisë, këta persona janë të përfshirë në dy atentatet e ndodhur në muajin gusht në hotelin në Tushemisht në pronësi të Jetmir Muçollarit.
Ilir Berberi sipas uniformave blu ka qenë organizator i këtyre sulmeve për shkak të konflikteve me pronarin e hotelit, ndërsa Meardi Berberi dhe Anterio Kaloshi, shoku i Orgest Bilbilit, kanë qenë ekzekutorë.
Lidhur me këtë ngjarje janë arrestuar në total 8 persona.