Aurela Hoxha ka qenë gjatë këtyre muajve në qendër të vëmendjes pasi u bë nënë për herë të parë. Ajo ngjalli shumë pikëpyetje te ndjekësit e saj lidhur me faktin që nuk publikoi asnjë foto gjatë shtatzënisë por e mbajti atë të fshehtë. E sigurisht Aurela e ka një arsye. Ajo ishte e ftuar mbrëmjen e djeshme në “Natën me Aulonën”, ku ka folur rreth shtatzënisë, të birit, bashkëshortit dhe shumë detajeve nga jeta private.
Kështu, sa i përket arsyes së mospublikimit të fotove gjatë shtatzënisë, Aurela tha se ishte mbipesha. Ajo u shpreh se fitoi shumë peshë gjatë shtatzënisë dhe u rikthye në linjat e saj 3 muaj pas solli në jetë të birin.
“Kam shtuar në peshë. Nuk e di sa sepse njerëzit që më shikonin thoshin “Nuk je”, por unë ndihesha e shëndoshë. Edhe mjeku thoshte se nuk kisha shtuar pak. Por, ky nuk ka qenë aspak një problem për mua, sepse kam dalë, kam qenë shumë OK me veten. Tani pasi u dobësova dhe shikoj rrobat e shtatzënisë, e kuptoj që paskam qenë goxha. Jo nga këto shtatzënitë që duket vetëm barku. Se unë shikoj shumë modele apo nëna të thjeshta që u shtohet vetëm barku, por jo. Unë mora goxha peshë. Dhe nuk i kam humbu menjëherë. Kur Alaron bëri 3 muaj unë fitova linjat e mia”- tregoi ajo.
Ndërkohë, e pyetur rreth partnerit dhe arsyes se pse nuk publikon foto me të, Aurela tha se nuk ndihet e detyruar ta bëjë këtë gjë, por nuk e përjashtoi mundësinë që ta prezantojë me publikun në të ardhmen.
“Ka respektuar shumë zgjedhjet e mia dhe unë jam shumë e lumtur për këtë. Nuk mendoj se ka çifte që nuk ka zënka e probleme, por është një njeri që rrallëherë ndodhë që të më nervozojë. Edhe nëse e bën di të më qetësojë, është njeri shumë i mirë edhe ajo që vlerësoj më shumë është shpirti dhe mënyra si më bën të ndihem. Fakti që unë ndihem e plotësuar me të mjaton!”- përfundoi Aurela duke thënë se nuk do të flasë shumë rrrth partnerit.