Ministri i Shëndetëisë në Austri, Rudolf Anschober ka dhënë dorëheqjen. The Guardian shkruan se Anschober ka dhënë dorëheqjen për shkak të lodhjes së madhe që kishte nga menaxhimi i pandemisë si dhe gjithë sistemit shëndetësor.
Ai ka thënë se nuk mund të vazhdojë punën e tij për shkak se është shumë i mbingarkuar si dhe ndaj nuk mund të jetë 100% i aftë në punën që bën.
“Përshtypja ime është se nuk janë 15 muaj, më shumë si 15 vjet. Në krizën më të rëndë shëndetësore për dekada, republika ka nevojë për një ministër shëndetësor që është 100% i aftë. Unë nuk jam në këtë moment dhe nuk do të jem në javët në vijim nëse nuk tërheq frenën e urgjencës. Kjo pandemi nuk bën pushime, dhe kështu që as një ministër i shëndetësisë nuk mund të bëjë pushim,” tha ai.
Dorëheqja e Rudolf Anschober nga posti i Ministrit të Shëndetësisë në Austri ka ardhur në periudhën më të keqe të mundshme për shkak të situatës së krijuar nga Covid-19.