Tre persona kanë humbur jetën në një aksident në mesdite ne rrugën kryesore Cetinje-Budvë, ku u përmbys një autobus që ka dalë nga korsia e rrugës. Krahas të vdekurve nga ky aksident janë plagosur 17 persona. Të dhënat fillestare të policise malazeze tregojnë se në autobus ne momentin e aksidentit tragjik ndodheshin 35 pasagjerë dhe se në autobus nuk kishte fëmijë.
Autobusi i kompanisë “Papoviq” transportonte udhëtarë në linjën Nikshiq-Podgoricë-Cetinje-Budva-Kotorr. Autobusi ishte nisur nga Nikshiqi në orën 9:44. Në vendngjarje ndodhen përfaqësues të prokurorisë, policisë, ambulancës dhe zjarrfikësve. Nga Policia deklarojnë se detajet dhe shkaqet e aksidentit ende nuk jane përcaktuar pasi ata janë në pritje të nxjerrjes së autobuzit nga humnera, për të përcaktuar nëse ka më shumë pasagjerë poshtë mjetit.