Autoritetet shëndetësore në Evropë janë të shqetësuar për udhëtarët e shumtë që kanë vizituar Katarin për Kupën e Botës dhe që kthehen në shtëpitë e tyre.
Agjencia Britanike e Sigurisë Shëndetësore (HSA) ka paralajmëruar mjekët në të gjithë Mbretërinë e Bashkuar se tifozët e futbollit që kthehen nga Katari mund të jenë bartës të të ashtuquajturës sindromë respiratore të Lindjes së Mesme, në zhargonin MERS.
Australia ka bërë një paralajmërim specifik për këdo që udhëton nga Lindja e Mesme: “MERS është një sëmundje e rrallë, por serioze e frymëmarrjes që mund të prekë udhëtarët në vendet e Lindjes së Mesme”, thuhet në një deklaratë të postuar në internet.
MERS-i përhapet përmes kontaktit të ngushtë me devetë që bartin virusin ose një person të infektuar, ose duke konsumuar mish deveje të papërpunuar ose qumësht deveje të papasterizuar. Aktualisht nuk ka asnjë vaksinë në dispozicion dhe i ashtuquajturi grip i devesë mund të çojë në një sëmundje serioze e cila fillimisht manifestohet me simptoma tipike gripi të cilat mund të përkeqësohen me vështirësi në frymëmarrje dhe diarre.