“BACKSTAGE SHOW”, kryeministri Edi Rama: Ekspozitë e veçantë e gazetares Koçibelli për lirinë e shtypit

Gazetarja e njohur e kulturës, Jetona Koçibelli ka hapur në COD ekspozitën e radhës, të titulluar “BACKSTAGE SHOW”. Kryeministri Edi Rama shprehet se ekspozita e veçantë e gazetares Jetona Koçibelli në kryeministri për Lirinë e Shtypit, ia vlen të vizitohet. Ekspozita BACKSTAGESHOW, e kuruar nga Koçibelli në Qendrën për Hapje dhe Dialog, çel për publikun dilemen nëse: Liria është një nocion gjeneralist! “Sot kemi liri të shfrenuar falë epokës digjitale, ku kemi zëvendësuar paradoksalisht parrullën komuniste “Gjithë populli ushtar” me parrullën demokratike “Gjithë populli gazetar”, shprehet Koçibelli. Ekspozita do të jetë e hapur për publikun në COD, Biblioteka e Kryeministrisë, në datat 4-9 maj 2024, në oraret 9:30-14:00 dhe 17:30-20:30.