Presidenti i ri i vendit, Bajram Begaj do të zhvillojë këtë të hënë një vizitë zyrtare në Kosovë, e para që kur mori detyrën e kreut të shtetit shqiptar. Mësohet se Begaj do të pritet nga Presidentja e Kosovës, Vjosa Osmani, e cila e ka ftuar atë me rastin e fillimit të mandatit si president
Referuar njoftimit të publikuar nga Presidenca e Kosovës, Vjosa Osmani do të presë Begajn me ceremoni shtetërore në orën 10:00, në sheshin “Ibrahim Rugova”, në Prishtinë. Pas ceremonisë së pritjes, Osmani do të zhvillojë takim me Begaj, ndërsa do të kenë deklaratë të përbashkët për media.
Bajram Begaj mori zyrtarisht detyrën e Presidentit më 24 korrik. Ai është Presidenti i tetë i Republikës, i treti me një karrierë ushtarake para marrjes së detyrës dhe i dyti si mjek.