Oriada Islami, balerina e parë shqiptare që ka shkelur në skenën e Brodway në një intervistë ekskluzive për “Vizioni i Pasdites”. Gjatë intervistës, ajo u shpreh me nota të ashpra për mënyrën sesi trajtohen studentët shqiptarë.
Duke i’u referuar shkollës së Baletit në kryeqytet, Islami u shpreh se investimi është bërë keq, gjë që i’u shkatërron karrierën studentëve.
“Janë hedhur lekët, por nuk është bërë ashtu siç duhet sepse dyshemeja ka nevojë për një suspicion. Sepse ashtu siç është, është njësoj si të kërcesh mbi çimento , pavarësisht se është dru, rrëshqet. Pata një orë mësimi me studentë të vitit të katërt dhe më vjen shumë keq sepse ka talente. Por ta marrësh një filiz dhe ta ushtrosh në atë lloj konditash, salle… ata ishin me dhimbje gjunjësh… vajzat me puante rrëshqasin… ata nxënës që janë 18 vjeç sot, karriera e tyre për dy vjet ka marrë fund”, përfundoi balerina e njohur shqiptare.
Oriada Islami është e njohur në skenën ndërkombëtare, jo vetëm si ish- balerinë e trupës së Teatri të Operas dhe Baletit në Tiranë, por dhe pjesë e trupës artistike “Metropolitan Opera House në Neë York që prej vitit 2016.