Pas tërmetit të fuqishëm të 26 nëntorit, balerinët në Itali janë solidarizuar me situatën tragjike në Shqipëri.
Në datën 23 dhjetor, ata do të organizojnë një event të quajtur “Cagli vallëzon për Shqipërinë”, në orën 20:30.
Balerinët që do të marrin pjesë janë Benilde Marini, Alessandro Macario, Giorgia D’Emidio Irene Calagreti, Alessandro, Sara Porfini, Giuliano Santi, Marco Zingaretti.
Mes tyre janë edhe 3 balerinët shqiptarë, Kledi Kadiu, Anbeta Toromani dhe Bernard Shehu, të cilët po kontribuojnë për vendin e tyre.
Organizimin e kësaj mbrëmjeje e ka mundësuar Bashkia e Cagli-t.
Balerini Bernard Shehu shkruan në profilin e tij:
“Një mbrëmje vallëzimi për të mbështetur tokën time të goditur nga tërmeti i rëndë javën e kaluar!
Ju ftoj në 23 Dhjetor në Teatrin Komunal Cagli për “Cagli Danza për Shqipërinë”
Falënderoj bashkinë e Cagli që më dhanë mundësinë për të organizuar këtë ngjarje kaq të rëndësishme për mua.
Falënderoj të gjithë miqtë dhe kolegët e mi që menjëherë e kanë vënë në dispozicion për ta bërë të mundur këtë mbrëmje
Të gjitha të ardhurat e mbrëmjes do të dhurohet për viktimat e tërmetit.
Biletat mund të rezervohen duke filluar nga 10 dhjetori.
Benilde Marini, Kledi Kadiu, Anbeta Toromani, Alessandro Macario, Giorgia D’Emidio Irene Calagreti, Alessandro, Sara Porfini, Giuliano Santi, Marco Zingaretti”