Vizita e kancelarit gjerman në Ballkan ka ‘ndezur’ sërish çështjen e ‘Ballkanit të Hapur’ dhe mosaprovimit të Kosovës në këtë nismë. Scholz mbërriti ditën e sotme në Prishtinë ku pati edhe një takim me Kryeministrin e Kosovës, Albin Kurti i cili u shpreh se ka një mbështetje nga Gjermania.
Deputeti i PD-së u shpreh në “Pa Protokoll” se Kosova është në një pozitë mjaft të vështirë pasi njihet si krahinë autonome pjesë e Serbisë. Sipas tij duhet të ketë një mbështetje nga Shqipëria e cila duhet ta ketë prioritet.
“Në rast se Kurti do kishte shkuar në Ohër do të ishte dorëzim të sovranitetit. Kosova njihet si krahinë autonome dhe pjesë e Serbisë. Prishtina në refuzim ka qenë shumë e vëmendshme në këtë gjë. Suksesi ekonomik i kësaj nisme, Jugosllavia të nënshtruar në jugosllavi është më me sukses se “Open Balkan”. Popujt e Ballkanit, panë që Jugosllavia panë që po përdorej si një ‘baçe’ e Serbisë. Popujt e Jugosllavisë ishin të privuar, solli hegjemoni ekonomike serbe. Shqetësimi i “Open Balkan” është i njëjti motiv i hegjemonisë serbe që përfundoi në luftë. Prandaj Scholz sot injoroi “Open Balkan” me Kurtin.- tha deputeti i PD-së Kreshnik Çollaku.
Një deklaratë e fortë ka ardhur nga nënkryetari i Kuvendit të Kosovës Enver Hoxhaj i cili u shpreh Pro nismës “Open Balkan” si një mundësi e partneritetit evropian dhe perëndimor.
“Kemi bërë përpjekje që ta anëtarësojmë Kosovën në çdo organizatë të mundshme. Dhe qasja jonë ka qenë tillë. Ballkani Hapur është një koordinim mes shteteve mund të pajtohen ose jo që të merren vesh për tema të ndryshme. Kam përshtypjen e pikëpamjet e Kosovës janë qasje partiake. Jam i mendimit sidomos pas takimit, është me rëndësi për Republikën e Kosovës që ti thonë PO Ballkanit të Hapur që ta kemi mbështetje të partnerët tanë evropian. Ne duhet ta përdorim situatën e re politike për të qenë konstruktiv, kreativ që mos të izolojmë Kosovën. Aktualisht e Kosovës është shndërruar në një shtet që po merr rolin e një shteti që prish plane dhe nuk di ta paraqesë integritetin e saj në rajon. Shqipëria dhe vendet e tjera janë me shpejtësi të parë ndërsa Kosova me të fundit.”- tha Nënkryetari i Kuvendit të Kosovës Enver Hoxhaj.