Gazetari Armand Shkullaku ka komentuar mbrëmjen e sotme në një emision televiziv “Ballkanin e Hapur”, ku tha se pjesëmarrja e Kosovës në këtë nismë nuk mund të kuptohet minimalisht pa një kërkesë për falje nga ana e Serbisë.
Shkullaku tha se vetë projekti është një ide e presidentit serb që në krye të herës.
Këta që sjell si shembull Rama, që kanë bërë paqe me njëri-tjetrin, kanë kërkuar falje për krimet e luftës. Ne Serbisë, minimuni mund të kërkojmë të kërkojë që hajde bëjmë marrëveshje. Nuk të detyrojmë të njohësh Kosovën, por të detyrojmë që atij që do të ulesh në tavolinë t’i kërkosh falje për atë që ka bërë ish-kryeministri yt, se Vuçiçi ka qenë ministër në kohën e Millosheviçit. Të paktën falje. Po mirë nuk dashka të kërkojë falje ky Vuçiçi? Ne si Parlament nuk mund të miratojmë një rezolutë për të dënuar gjenocidin serb në Kosovë. Pra ne po nisemi dhe Kosova ka të drejtë që nuk beson, që qeveria ka prioritet të mbrojë interesat serbe në rajon. Raportet e DASH thonë se roli i Serbisë në dy vitet e fundit ka qenë destabilizues në rajon. Unë duhet t’i besoj një axhamie në politikën e jashtme që thotë Vuçiç është burrë i mirë dhe hajde ecim përpara. Pra ti je faktor destabiliteti në rajon, kur ke qenë pjesëtar i një regjimi që ka vrarë e përdhunuar në Kosovë dhe unë të ulem në tavolinë në ty se po ulëm do merremi vesh, vari trapin atyre që janë vrarë. Nuk është Rama ideatori i këtij projekti, Rama është zari.