Zëvenëskryeministrja Belinda Balluku bëri me dije situatën e fundit në akset rrugore, sistemin energjitike, porte dhe aeroporte, furnizimin me ujë etj.
Mbrëmjen e sotme vendi ynë është përfshirë nga reshje të dendura shiu. Të gjitha strukturat, nën varësinë e Ministrisë së Infrastrukturës dhe Energjisë, ndodhen në terren për menaxhimin e çdo situate që mund të shfaqet.
AKSET RRUGORE
Në gjitha akset rrugore të vendit qarkullimi i automjeteve po vijon normalisht, pa problematika. Në terren ndodhen grupet e punës për të reaguar në kohë ndaj çdo problematike që mund të evidentohet.
ENERGJIA
Aktualisht jane 6 fidera jashtë funksioni në të gjithë vendin, ku zonat më problematike janë Laçi, Peqini dhe Cërriku. Në Tiranë po punohet për rikthimin e energjisë elektrike në zonën e ish-Fushës së Aviacionit dhe në një pjesë të Unazës së Re, Bulevardi “Teodor Keko”. Të gjitha linjat 35kV dhe nënstacionet janë në funksion të plotë, përfshirë edhe linjat të cilat furnizojnë hidrovorët.
Në kaskadën e Drinit situata paraqitet e qetë.
FURNIZIMI ME 
UJË
Në të gjithë vendin situata e furnizimit me ujë, si dhe impiantet e përpunimit të ujrave të ndotura, janë në kushte optimale.
PORTET DHE 
AEROPORTET
Referuar kushteve të motit është pezulluar lundrimi nga Durrësi drejt Barit, ndërkohë lundrimi drejt Ankonës ka vijuar normalisht. Gjithashtu, janë njoftuar anijet e tonazhit të ulët për mos daljen në det deri në përmirësimin e situatës.
Në aeroportin ndërkombëtar “Nënë Tereza” dhe aeroportin ndërkombëtar të Kukësit situata paraqitet e qetë dhe pa problematika.