Partizani dhe Vllaznia, dy skuadrat kryesuese të kampionatit u ndanë në barazim pa gola.
Shkodranët ruajnë diferencën prej 9 pikësh me të kuqtë, ndërkohë që javën e ardhshme presin Laçin dhe do tentojnë të fitojnë dhe ta nxjerrin nga gara për titull.
Shkodranët e nisën me vrull ndeshjen me Partizanin, me Krymin që “kërcënoi” i pari dhe më pas Imeri.
Alban Hoxha ishte shpëtimtari i “demave”, ndërkohë që më pas rastet ishin të pakta dhe pjesa e parë u mbyll me rezultatin 0-0.
Në fraksionin e dytë të lojës të dyja skuadrat u ndëshkuan me kartonë të kuq, me Bitrin dhe Krymin që lanë skuadrat e tyre me nga 10 lojtarë.
Mala iu afrua golit për Partizanin në minutën e 72-të, kurse në minutat shtesë balta shpëtoi Vllazninë. 0-0 dhe skuadrat ndanë nga një pikë.