Ndërsa banorët e “5 majit’, protestojnë sot në Tiranë, fillimisht para parlamentit e më pas para ambasadës amerikane, kryeministri Edi Rama, i është përgjigjur një prej komentuesve lidhur me këtë cështje.
Rama shkruan se te 5 maji të gjithëve u është dhënë haku që u takon dhe disave madje edhe më shumë se sa u takon.
“Unë besoj se te 5 maji të gjithëve u është dhënë haku që u takon dhe disave madje edhe më shumë se sa u takon, prandaj tani duhet vetëm durim dhe besim, sepse njësoj sic po ndodh me të tërë ata që po përfitojnë nga Rindërtimi, do ndodhë edhe me ju atje, ndërsa atë pjesën e votimit mos e thuaj të paktën, jo për mua, po për tërë ata që u vranë, u burgosën, u privuan nga e drejta e votës.” shkruan Rama.
