Moti i keq u ka shkaktuar shumë probleme anembanë vendit, ku rreshjet e mëdha të dëborës kanë vënë në vështirësi shumë banorë. Me mijëra janë qytetarët e bllokuar në zonat më të thella rurale të vendit. Nga Ostreni i Bulqizës, vjen një apel për ndihmë nga banorët e izoluar nga bora, e cila arrin mbi 1 m. Përveçse pa mungesë energjie elektrike dhe të bllokuar në rrugët e mbuluara nga dëbora, këta banorë nuk mund të lëvizin as për probleme shëndetësore.
“Jemi pa energji elektrike. Rrugët janë të bllokuara. Nuk mund të lëvizim as për probleme shëndetësore”, shprehet një nga banorët e Ostrenit. Ndërkohë, në mungesë të mbështetjes nga autoritetet lokale, banorët po pastrojnë vetë dëborën me mjete rrethanore.