Banorët e zonës së “Astirit”, banesat e të cilëve preken nga projekti i Unazës së Re vijojnë protestën e tyre duke hyrë në ditën e 55 të saj. Banorët shprehen se projekti për ‘Unazën e Re’ është një aferë korruptive, ndërsa banesat i kanë ndërtuar duke punuar në emigracion.
Të gjithë banorët njhërazi kërkojnë që banesat e tyre të mos shëmben, pasi aty është gjithë investimi I jetës së tyre.
Ata bllokuan edhe sërish rrugën pranë banesave të tyre dhe më pas janë nisur në këmbë drejt Kryeministrisë për t’iu bashkuar protestës së emigrantëve.
Këta të fundit kanë dalë në një miting para kryeministrisë kundër krimit, korrupsionit dhe varfërisë. V.D/Tirananews/