KreuLajmeBardhi i përgjigjet Kajmakut: Rama të ka gënjyer, Marku s’të mbron dot

Bardhi i përgjigjet Kajmakut: Rama të ka gënjyer, Marku s’të mbron dot


Sekretari i Përgjithshëm i Partisë Demokratike Gazmend Bardhiu iu kundërpërgjigj kryebashkiakut të Vorës Agim Kajmaku, i cili pretendon se kalon pa probleme në Greqi dhe se nuk është dënuar për asnjë shkelje në shtetin helen.

Nëpërmjet profilit të tij në ‘’Facebook’’, Bardhi i drejtohet Kajmakut duke e pyetur ‘’nëse mund të hyjë në Greqi me emrin Jorgo Toto’’, për të cilin PD-ja pretendon se është identiteti i tij i rremë.

Në fund, numri 2 i PD-së i kujton Kajmakut se ‘’Edi Rama e ka gënjyer se do ta mbrojë kryeprokuroja Arta Marku’’.

Postimi i Gazmend Bardhit:

Jorgo Toto i Vorës po tenton t’i bëjë shqiptarët për budallenj. Tregon pasaportën e Agim Kajmakut, në vend që të tregojë pasaportën e Jorgo Totos, emër me të cilin është arrestuar dhe është në kërkim në Greqi.

Si Agim Kajmaku ke hyrë dhe mund të hysh prapë në Greqi!

Pyetja është, si Jorgo Toto a hyn dot?

Jorgo Toto me foton në TIMS dhe me pasaportën nr. Z 0148497 a je ti?

Që e vërteta do të dalë, për këtë nuk ka asnjë pikë dyshimi! Që ti do të shkosh në burg, edhe këtë mos e dysho! Të ka gënjyer Edi Rama, kur të ka thënë se do të të mbrojë Arta Marku. Më beso! Nuk të ndihmon dot as ajo!”

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

spot_img