Kryetari i PD Lulzim Basha ka bërë një deklaratë të fortë në Kuvend duke thënë se gjatë pandemisë një nga bosët e drogës ka prenotuar në Tiranë një nga kullat më të larta në Shqipëri.
“Se çfarë katastrofe ka qenë keqadministrimi dhe korrupsioni në rindërtim këtë shqiptarët e njohin në lëkurën e tyre. Pavarësisht se janë harxhuar më shumë para për gënjeshtra për reklamë dhe propagandë disa fakte nuk shlyhen dot sepse janë aty kur njerëzit ngrihen në çadra apo banesat e të afërmeve ku jetojnë prej 2 vitesh apo banesat me qira që nuk financohen nga bonusi i premtuar. Nëse ka diçka për të mbajtur duar në hunë është era e kërmës që qelb këtë sallë, e regjimit të instaluar duke blerë vota duke shkrirë në 1 shtetin me partinë.
S’ka lidhje me demokracinë me shtetin e së drejtës me aspiratën për të udhëtuar drejt BE, por ka lidhje vetëm me babëzinë për pushtet para që u ka zënë sytë, kjo babëzi su pengoi të ngrini kullën më të lartë në Shqipëri me krimin dhe bosët e kokainës, oligarkët, kurse pandemia iu ka frenuar të ndërtoni pallate. Policia duhet ta dijë se kush bos kokaine ka ndërtuar aty te ndërtesa më e lartë. Ashtu siç nuk ndaloi kullat e tjera që janë ndërtuar”, tha Basha
Ai tha se arsyeja e vetme që opozita është në sallë është kthimi i vendimeve të këtij Kuvendi në interes të qytetarëve dhe jo oligarkëve.
“Arsyeja jonë e vetme në këtë sallë nuk është të bëjmë lojëra fjalësh me ty se ty ta kanë pirë lëngun të gjithë dhe ata që mendon se i ke miq. Të të largojmë nga kjo sallë, ty dhe gjithë kalorësit e korruspionit dhe krimit të organizuar dhe tia kthejmë këtë sallë shqiptarëve, që vednimet që do të merren nga kjo sallë të jenë për shqiptarët, jo për oligarkët e tu. Që kjo të ndodhë duhet patjetër të ndryshojmë ligjin themelor të vendit dhe ti hapim rrugë asaj që ti ke frikë si djalli temianit, vetingun e politikanëve”, tha Basha.