Edhe pse nuk pranoi që të digjte mandatin e saj, kjo nuk e ka penguar Rudina Hajdarin që të jetë bashkë me kolegët e saj demokratë.
Rudina Hajdari ka qenë e ftuar bashkë me kolegët e saj të opozitës, si Genc Pollo, Oerd Bylykbashi apo dhe Klajda Gjoshën në një aktivitet të organizuar nga BE.
“Një shkëmbim i hapur idesh dhe pikëpamjesh me kolegët e opozitës dhe përfaqësues të shteteve anëtare të BE mbi situatën aktuale, krizën institucionale dhe mundësitë për zgjedhjen e saj. Prioriteti kryesor gjetja dhe zbatimi i rrugëve për të realizuar vullnetin e përgjithshëm të qytetarëve Shqiptarë për anëtarësimin e Shqipërisë në Bashkimin Evropian”, shkruan Rudina Hajdari.
