Pak para se të niste protest e thirrur nga Sali Berisha, kreu i PD Lulzim Basha ka zgjedhur të urojë deputeten e tij, Flutura Açka, e cila është nderuar me çmim për librin e saj “Biri”.
“Biri i Flutura Açkës mori sot ‘Çmimin e Madh të Prozës’, një lajm që më gëzon edhe pse e di fort mirë që Flutura nuk shkruan për çmime, aq më pak këtë libër ku shkronjat rrjedhin si lotët e nënës. Një libër plot dhimbje dhe emocione, por edhe i mbushur me dashuri për jetën; dhe ne që e njohim Fluturën, e gjejmë të madhe tek ajo dhe na frymëzon me fjalët që kanë forcën të na ndryshojnë.
Jam krenar që Flutura është sot pjesë e familjes sonë dhe si deputete lufton për të bërë realitet ëndrrën e pakryer të birit të saj, të Shqipërisë si Evropa”, shkruan Basha.