Gjatë konferencës së jashtëzakonshme që mbajti sot, kryedemokrati Lulzim Basha nuk la pa ‘thumbuar’ as kritikët e tij në opozitë.
“Opozitarët e opozitës”, i quajti Basha, ndërsa tha se shpërndajnë gënjeshtra. Duke iu referuar propozimeve të tij për qeverinë, Basha tha se në asnjë moment nuk kanë propozuar gjëra që nuk do t’i bënin vetë.
Basha artikuloi edhe njëherë frazën, “peng dhe pengmarrje”, ndërsa tha se bëhet fjalë për qeverinë dhe oligarkët. Sipas kryedmeokratit, beteja e tij është me llumin e tranzicionit.
“Nuk do t’i çojmë thjeshtë një kërkesë, por një kalulim të plotë sesi arrihet kjo. I kam dëgjuar zërat e opozitarëve të përjetshëm të opozitës, të atyre hip nga kali, zbrit nga kali, ça uji i ke dhënë gomarit. Një pjesë prej tyre hanë bukë me këtë ustallëk. Qoftë edhe nga formimi jonë që si të djathtë që jemi besojmë te liria, të lirë, le të hanë bukë dhe pse shpërndajnë gënjeshtra. Në asnjë rast PD që nga koha e pandemisë nuk ka çuar te Edi Rama propozime që do t’i bënte vetë po të ishte në qeveri. Koha ka treguar që ai nuk do t’i bëjë këto. Kjo situatë me të vërtetë ka krijuar një peng dhe pengmarrje, kjo është qeveria e Shqipërisë dhe oligarkia, llumi i tranzicionit me atë e kam betejën unë. Propozimi i plotë dhe i detajuar do ti paraqitet. Do të dalin dhe do të thonë nuk bëhet dot, duhen lekë. Por detyra juaj është që t’ju tregoni shqiptarëve që e vërteta është me ne,” tha ai.