Në tryezën e organizuar “Arti në mbrojtje të demokracisë”, kreu i PD, Lulzim Basha tha se duhen zgjedhje të parakohshme për daljen nga kriza politike duke vënë theksin tek qeveria tranzitore pa Ramën kryeministër.
Ai shtoi se aleanca për mbrojtjen e Teatrit është një kauzë e drejtë dhe një shembull frymëzues. “Aleanca për mbrojtjen e Teatrit është një kauzë e drejtë dhe shembull frymëzues. Kriza politike kërkon një zgjidhje akute. Duhet qeveri tranzitore pa Ramën kryeministër dhe zgjedhje të parakohshme për daljen nga kjo krizë”- tha Basha.
Basha tha më tej se Parlamenti dhe pushteti duhet të jenë produkt i votës së lirë dhe se qeverija të mos kapet nga interesa kriminale. “Parlamenti, pushteti të jenë produkt i votës së lirë, dhe me procesin e qeverisjes të jenë nën kontroll për të mos u kapur nga interesa kriminale. Diskutimi nuk ndodh në eter, ndodh në mes të kësaj krize të thellë, ku qytetarët i janë përgjigjur thirrjes për protesta, për t’i dhënë fund cdo iluzioni e deluzioni të një regjimi që duhet të marrë fund e duhet t’i hapë rrugën një procesi llogaridhënie për të gjithë ata që asgjësuan procesin zgjedhor dhe shkaktuan këtë krizë”, tha Basha.