Kryetari i PD-së, Lulzim Basha ka kujtuar me një video në rrjete sociale, 30-vjetorin e eksodit të shqiptarëve drejt vendeve fqinje të Europës.
Basha përmes një shënimi në facebook thotë se edhe sot pas 30 viteve po ikin masivisht të rinjtë, ndërsa premton se ai dhe PD do e shërojë këtë plagë në familjet shqiptare.
Shënimi i Bashës
30 vite më parë eksodi biblik i shqiptarëve drejt Italisë, shembi njëherë e përgjithmonë murin ndarës mes Shqipërisë dhe Europës. 30 vite më pas, sërish shqiptarët po ikin masivisht nga keqqeverisja që na mban larg Europës dhe nga pamundësia për të ndërtuar jetën në vendin e tyre. Ne do ta shërojmë këtë plagë dhe, siç u mundësuam shqiptarëve të lëvizin pa viza, do t’i japim çdo familjeje shqiptare shpresë dhe mundësi për një jetë më të mirë, një Shqipëri si gjithë Europa.