Kreu i Partisë Demokratike Lulzim Basha ka mbledhur sot kryesinë dhe ish deputetët demokratë ku u ka lënë një sërë porosish. Burime nga selia blu bëjnë të ditur se ai ka kërkuar angazhim maksimal të strukturave.
Plani për verën është në fokus të diskutimeve, puna organizative, strukturat, bordet këshillimore që duhet të jenë tërësisht aktive.
Basha do dalë në terren në çdo degë të PD-së, siç dhe nisi dje me Vlorën, deri fund të muajit. Ndërkohë që nje grup pune do jetë gjithashtu për çdo ditë në terren, për të finalizuar gjithë përgatitjen e strukturave, sipas udhëzimeve të fundit të dhëna nga kryedemokrati.
Synimi është që muaji gusht të mbyllë çdo punë përgatitore dhe nisja e shtatorit duhet ta gjejë gati PD për zhvillimet sipas saj të shpejta politike që priten.
