Partia Demokratike do të thërrasë sërish Këshillin Kombëtar më 23 dhjetor 2021, ora 17:30, në selinë blu.
Rendi i ditës do të jetë ai i mbledhjes së datës 12 dhjetor 2021, një ditë pas Kuvendit Kombëtar në “Air Albania”, thirrur nga ish-kryetari Sali Berisha.
“Të nderuar anëtarë të Këshillit Kombëtar, në vijim të njoftimit të bërë në mbledhjen e Këshillit Kombëtar të datës 12 dhjetor 2021, pas vendimit të Kryesisë së Partisë, ju njoftojmë se mbledhja e radhës e Këshillit Kombëtar do të zhvillohet ditën e enjte, datë 23 dhjetor 2021, ora 17:30, në sallën e mbledhjeve kati i 2, sipas rendit të ditës të njoftuar në mbledhjen pararendëse”, thuhet në njoftim.