Kryetari i Partisë Demokratike Lulzim Basha thotë se sistemi që ka ngritur Rama për të zhvatur bizneset u vjedh atyre 32 ditë në vit për të paguar 35 lloje taksash dhe tarifash.
Sipas Bashës këtë e tregon raporti i publikuar nga OECD. Basha thotë se taksa e sheshtë 9% me një sistem taksimi të unifikuar e shndërron vendin në vend tërheqës për të punuar.
SHENIMI I BASHES NE FACEBOOK
Të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.
Sistemi që RAMAVIRUSI ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje.
Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes.
E dimë që vendimet tona shkojnë kundër interesave të një grushti njerëz…
