Basha “sfidon” Kodin Penal dhe policinë, bllokon rrugën te “Astiri”. Ja sa vite burg rrezikon

Kreu i Partisë Demokratike, Lulzim Basha ka sfiduar hapur ndryshimet e Kodit Penal dhe forcave të shumta të policë, duke bllokuar rrugën te “Unaza e Re”. Ai iu bashkua banorëve të ‘Astirit’ më herët nga sa e kishte paralajmëruar në orën 18:00, ku ka qenë i pari që ka bllokuar rrugën dhe më pas e kanë ndjekur edhe banorët. Me ndryshimet e bëra në Kodin Penal, sipas të cilit kushdo që bllokon rrugën duhet të arrestohet dhe në rast dënimi rrezikon deri në 3 vjet heqje lirie, por një gjë e tillë, nuk e ka penguar Bashës që të bllokojë rrugën dhe nga ky veprim i kryedemokratit kanë marrë “zemër’ edhe banorët e tjerë. Ndryshe nga sot, këta të fundit, dje protestuan në trotuar.