Kreu i Partisë Demokratike Lulzim Basha ka përfunduar takimin me aleatët e tij, ku pritet që këtë javë të kulmojnë protestat popullore në çdo cep. Këtë e bëri të ditur Dashamir Shehi, kreu i LZHK-së, parti aleate e Bashës.
Sipas Shehit, në 30 qershor nuk do të ketë zgjedhje. “Kjo javë do të kulmojë në protestën popullore në një raport krejt të ndryshme me mediat për të përcjellë idenë fikse që kemi prej katër muajsh, që këto nuk janë zgjedhje, ne nuk i njohim janë votimet e zotit Rama. Ne do të ndjekim dekretin e Presidentit. Ne do shkojmë të përballemi në çdo cep të Shqipërisë me juntën e re politike, quajeni si të duani, ne këto zgjedhje nuk i njohim, në datë 30 nuk do të ketë votime. Protestat do tëj enë për atë që është brenda ligjeve dhe demokracisë, e kemi treguar deri më sot që janë mbledhur me qindra mijëra njerëz, kjo është rezistenca jonë dhe do të jetë më e madhe gjatë kësaj vere”, tha Shehi.
I pyetur për vendimin e sotëm të Kolegjit Zgjedhor, kreu i LZHK-së tha se institucioni nuk ka marrë vendim për dekretin e Metës, por sipas tij “u morr me një parti fantazmë”.
