Kreu i Partisë Demokratike të Shqipërisë Lulzim Basha ka zhvilluar një takim në sheshin e qytetit të Laçit në bashkëbisedim me strukturat e degës së PD-së, intelektualë, biznesmenë dhe qytetarë kurbinas.
Në fjalën e tij kryedemokrati Basha ka falendëruar çdo demokrat dhe qytetar të Kurbinit për vendosmërinë e tyre në braktisjen e zgjedhjeve fasrë të 30 Qershorit. Madje ai ka theksuar, një falenderim të veçantë dhe për disa socialistë që mohuan të votonin, ndonëse ishin nën presionin politik.
Më tej Basha ka thënë se e gjithë periudha e stinës së verës do të shoqërohet me aktivitete politike të opozitës, për të mos ndalur protestat opozitare deri në largimin e kësaj qeverie korruptive.