Ish-këshilltari i Sali Berishës, Flamur Kuçi tha se janë të pritshme deklaratat e kryedemokratit Lulzim Basha, pas humbjes në zgjedhjet e 25 prillit.

Kuçi u shpreh në “Quo Vadis” se Basha po përpiqet të radikalizojë situatën, me qëllim forcimin e pozitave brenda PD-së.

Duke iu referuar qëndrimeve të Bashës lidhur me rezultatin e zgjedhjeve, të cilat nuk kanë qenë në të njëjtë linjë, Kuçi e quajti kreun e demokratëve të pabesueshëm.

“Kam dyshime të forta mbi motivet e këtyre qëndrimeve. Ishin të pritshme, pothuajse të deklaruara pasi u bë i qartë ku po shkonte rezultati. Është një tentativë për të radikalizuar situatën, duke përforcua pozitat brenda partisë. PD duhet të jetë në udhëkryqin e besueshmërisë në raport me zgjedhësit e saj. Ka shumë të pavërteta në atë që kreu i partisë ka thënë para dhe pas procesit zgjedhor. Të thuash që na u vodh vota, kam përshtypje që do të lerë vrima të mëdha besueshmërie”, u shpreh Kuçi.

PËRGJIGJU

Please enter your comment!
Please enter your name here