Bashkia Mat në terren për pastrimin e rrugëve dhe kanaleve kulluese

Bashkia Mat, është angazhuar maksimalisht për pastrimin e rrugëve, kanaleve kulluese dhe pusetave. Kryetari i Bashkisë Agron Malaj bën të ditur se ndërhyrjet janë bërë në ato zona ku ka pasur problematika si në Shlli, Gjalish, Dukagjin dhe Qytet.
“Vëmendja jonë ka qenë e vazhdueshme në drejtim të mirëmbajtjes dhe pastrimit të kanaleve kulluese çka na ka krijuar aksesueshmëri në të gjithë bashkinë gjatë këtyre orëve me reshje të dendura shiu”, thekson Malaj.
Prej tre ditësh ditësh, autoritetet vendore në Bashkinë Mat kanë marrë masat për përballimin e situatës së krijuar prej reshjeve të dendura të shiut dhe erës që ka përfshirë vendin tonë.