Bashkia Mat shpallet fituese e projektit, Ambasada e Japonisë dhuron dy mjete multifunksionale

Dy mjete të tjera i shtohen flotës së Bashkisë Mat për të kryer detyrat e saj të përditshme në shërbim të qytetarëve.
Lajmin e mirë e ka dhënë vetë Kryetari i Bashkisë Agron Malaj, i cili priti në një takim të veçantë ambasadorin japonez në vendin tonë, Takada Mitsuyuki.
“Duke u shpallur fitues të projektit “Për mjedisin dhe jetën”, nga Ambasada Japoneze sot morëm në dorëzim dy mjetet multifunksionale si: minieskavator dhe autobot.
E falenderova Ambasadorin TAKADA Mitsuyuki për këtë mbështetje ndaj Bashkisë Mat dhe e sigurova që për një bashki si e jona që çdo ditë po shton sipërfaqet e gjelbra, ky është një kontribut mjaft i vyer”, thekson Malaj.