Policia greke ka kontrolluar qelitë e burgut të famshëm Domokos. Ky kontroll erdhi pas informacioneve që tregonin se në qelitë e të huajve kishte pajisje celulare dhe armë të improvizuara.
Ndër qelitë e kontrolluara ishte edhe ajo e Alket Rizait.
Përveç tij, në këtë rast është përfshirë edhe një 40-vjeçar shqiptar i dënuar me burgim të përjetshëm për një vrasje të dyfishtë (babë e bir) në Kalamata.
“Gjatë hetimeve janë gjetur dhe sekuestruar: -5 shkopa druri të improvizuar dhe 2 prej metali,
-7 kaçavida, -2 thika, shkop i përbërë nga tre pjesë të bashkuara dhe të lidhura me pëlhura,
-5 telefona celularë me karta SIM, -8 karikues dhe 3 kabllo të tipit USB, -17 Shkopa të tipit USB,
orë të tipit smart me karikues, 3 pirunët metalikë dhe pjesa e pirunit metalik, kufje me tela dhe pa tela etj”, thuhet në njoftim.
Alket Rizai konsiderohet si një nga personat më të rrezikshëm në Greqi. Në vitin 2006 dhe 2009, ai në bashkëpunim me kriminelë të njohur grekë, arriti të arratisej nga burgu i sigurisë së lartë në vendin fqinj, ai i Koridhalosit, duke përdorur helikopter.
Arratisja e parë e stilit hollivudian ndodhi më 4 qershor të vitit 2006, e ideuar nga Nikos Paleokostas, vëllai i një krimineli me famë, Vasilis Paleokostas.
Alket Rizai ka lindur në Ballsh të Mallakastrës, ku ka jetuar deri në fund të viteve ’90 dhe më pas emigroi në Greqi. Në Greqi ai u dënua për vrasjen e një qytetari grek, sipërmarrësin Thanasi Koropiotis, për të cilin dyshonte se kishte lidhje me të dashurën e tij ruse, Oksana.