Protestat kundër kryetarëve shqiptarë të komunave me shumicë serbe në veri të Kosovës vazhdojnë edhe këtë të premte. Kurse sot Kuvendi i Republikës së Kosovës do të përfshihet në debate. Ky debat vjen pas zhvillimeve të fundit në veri, ku serbët lokal po protestojnë ndaj vendosjes së kryetarëve të zgjedhur në komunat në veri.
Bashkimi Evropian iu bashkua thirrjeve të Francës dhe Gjermanisë për të mbajtur zgjedhje të reja në veri.
Janë tri kërkesa që BE-ja nxori për Kosovën:
1-Zgjedhje të reja tani.
2-Të sigurohet pjesëmarrja e serbëve të Kosovës në to.
3-Të nisë puna për themelimin e Asociacionit të komunave me shumicë serbe.