Këngëtarja Beatrix Ramosaj, ka publikuar një fotografi në rrjetet sociale në të cilën shfaqet e mbuluar, ndërsa i ka uruar gratë myslimane për ditën e tyre. “Urime Dita e Gruas Myslimane për të gjitha femrat e mia të bukura”, ka shkruar ajo në një postim në Instagram.
Fotografia të cilën e ka postuar është realizuar në xhaminë e Sulltan Ahmetit në Stamboll të Turqisë. Më 27 mars të vitit 2017, platforma online Muslim Girl e themeloi Ditën e Femrës Myslimane për të treguar ngjarje dhe për t’i ndarë përvojat nga komuniteti mysliman në mediat kryesore.
Kjo ditë festive ishte themeluar me qëllimin që të forcohet zëri i grave myslimane në një nivel të Ditës Ndërkombëtare të Gruas (8 Marsi).