Një vajzë lindi në një tren në Irlandë dhe për këtë iu dha 25 vite udhëtim falas me hekurudhën. Lindja e papritur ndodhi rreth orës 15.05 me orën lokale në linjën nga Galway në Dublin të martën. Një doktor dhe dy infermiere për fat të mirë ishin në tren në atë kohë, dhe ndihmuan në lindjen e fëmijës.
Më pas nëna dhe vajza u dërguar në spital sapo arritën në Dublin dhe të dyja janë në gjendje shumë të mirë shëndetësore. Autoriteti irlandez i Hekurudhave thanë se do i sigurojnë transport falas vogëlushes deri sa të bëhet 25 vjeç, për shkak të rrethanave unike të lindjes së saj.