Presidenti i Republikës Bajram Begaj ka nisur sot një vizitë zyrtare në Republikën e Maqedonisë së Veriut, ku u prit nga homologia e tij, Gordana Siljanovska-Davkova.
Kjo e fundit ka marrë e para fjalën në një konferencë të përbashkët për shtyp dhe tha se integrimi i dy vendeve në BE, ishte pjesë e diskutimeve mes tyre.
“Integrimi i dy vendeve në BE ishte gjithashtu pjesë e diskutimeve, ajo është më afër Shqipërisë tani, unë megjithatë shpreh kënaqësinë time për këtë.”, tha Gordana Siljanovska-Davkova.
Ajo u shpreh se gjithmonë e takonte me kënaqësi presidentin shqiptar për shkak të temave që diskutojnë, si dy profesorë.
“Mua gjithmonë më gëzojnë takimet me zotërinë Begaj, edhe pse ai nga vokacioni është mjek ndërsa unë jam juriste. Ne të dy jemi profesorë dhe bisedojmë për gjëra të rëndësishme për botën, parimet, vlerat, gjëra filozofike, ndaj ishte kënaqësi për mua të pres dhe uroj mirëseëardhjen zotit Begaj.”, u shpreh presidentja maqedonase.
Më tej ajo shtoi se “Marrëdhëniet e ngushta miqësore krijohen përmes respektit të ndërsjelltë, besimit, partneriteëtit dhe vizionit të përbashkët.”