Këtë të premte, Gjykata Themelore e Prishtinës ka dënuar me 13 vite burgim serbin Dushko Arsiç me akuzën për krime lufte. Asiç bëhet përgjegjës për keqtrajtimin e civilëve shqiptarë, plagosje, si dhe për vrasje.
Sipas aktakuzës, ai mori pjesë në vrasjen e një civili shqiptar në prill të vitit 1999 në Butovc të Prishtinës, ndërsa torturoi një tjetër shqiptar në atë kohë 15-vjeçar në po të njëjtën ditë.
Gjatë muajve janar-qershor të vitit 1999 së bashku edhe me efektivë të tjerë të policisë serbe dhe grupe paramilitare, Arsiç akuzohet se ka marr pjesë në operacionet për dëbimin dhe shpërnguljen e shqiptarëve nga rajoni i Prishtinës e më pas plaçkitjen dhe dëmtimin e shtëpive duke iu vënë zjarrin.