Një aksident rrugor ka ndodhur pasditen e sotme në Ferizaj, ku si pasojë 4 persona kanë humbur jetën. Në mesin e viktimave është edhe një 12 vjeçare.
Për aksidentin e rëndë në Ferizaj ka reaguar edhe deputeti dhe kryetari i AKR-së, Behgjet Pacolli.
“Askush nuk e meriton të vdesë në këtë mënyrë. Një familje shuhet brenda pak sekondash. Jo të gjithë kanë makina luksoze dhe të sigurta. Kosova nuk ka rrugë për të vozitur shpejt. Kujdesuni për njëri-tjetrin! Shpejtësia vret! Ngushëllimet e mia familjarëve!”, shkruan Pacolli.