Presidenti Ilir Meta me gjuhë të ashpër ka dënuar ndryshimet në Kodin Zgjedhor, të cilat u miratuan ditën e djeshme në Kuvend. Gjatë bisedës në studio, Meta iu drejtuar Sonila Meços: O zonja Meço, o je shtatzënë ose nuk je. Nuk ka je pak shtatzënë. E thonë edhe në anglisht këtë shprehje. Marrëveshja e 5 qershorit është shkelur me të dyja këmbët!
Pjesë nga intervista
Pyetje: 5 qershori u shkel, ku do të jetë Meta?
Meta: Presidenti ka qënë në mbrojtje të Kushtetutës dhe në krahun e popullit shqiptar. Do të jetë i vendosur dhe i hekurt. Kam disa vite që paralajmëroj plotësimin e kushteve për negociatat. Ky akt i shëmtuar që ndodhi dje, nuk ishte ngjarje e madhe.
Pyetje: A është shkelur 5 qershori?
Meta: Të lutem bëhu serioze me mua! Sigurisht që është shkelur. Në demokraci gjithmonë është vendosur me konsensus. kjo është ftesë për diktaturë.
Pyetje: Cili është dëmi për shqiptarët?
Meta: As nuk bëhet fjalë për çeljen e negociatave, por nuk bëhet fjalë për pas zgjedhjeve që të largohet Gjermania. Kemi dhe një super skandal. Shqipëria është kryetare e OSBE-së, dhe pengon që të japë ODIHR ekspertizën e tij.
Sonila Meço: Janë shtesa thonë…
Meta: O zonja Meço, o je shtatzënë ose nuk je. Nuk ka je pak shtatzënë. E thonë edhe në anglisht këtë shprehje. Marrëveshja e 5 qershorit është shkelur me të dyja këmbët. Arbitër tani është populli shqiptar. Në Shqipëri lidhur me integrimin ka dalë gjithmonë ajo që ka thënë presidenti.