Zv. Kryeministrja Belinda Balluku nuk do të jetë më drejtuese politike e qarkut Dibër. Ajo tashmë ka marrë drejtimin e qarkut Fier, që konsiderohet një nga hambarët e votave për socialistët.
Përmes një statusi në rrjete sociale, një prej bashkëpunëtorëve të saj, kryebashkiaku I Matit Agron Malaj e ka falenderuar për bashkëpunimin dhe punën e saj. “Faleminderit Belinda Balluku për përkushtimin, frymën e bashkëpunimit dhe punën e palodhur për çuarjen përpara të projekteve të shumta për zhvillimin dhe rimëkëmbjen ekonomike të qarkut Dibër.
Mati të është mirënjohës për punën dhe vlerësues për mbështetjen dhe kontributin tuaj në çdo sektor. Suksese në angazhimin e ri të drejtimit të qarkut Fier.
Suksese Blendi Gonxhja në angazhimin më të ri në qarkun tonë”, shkruan Malaj.