Në vitin e 10-të të qeverisjes, socialistët janë gati për fushatën e radhës.
Qeveria i ka paraprirë sjelljes me një sërë masash lehtësuese në kushtet e ndryshimeve, por zëvendëskryeministrja Belinda Balluku nuk i lidh punët e tyre me 14 majin.
Në një intervistë për gazetarët e ABC News, Balluku thotë se mos rritja e çmimeve të energjisë nuk lidhet me fushatën.
“Fasha nuk u hoq për fushatë. Viti do jetë prapë i vështirë për energjinë, por jo sa ajo e vjetshmja”, tha Balluku.
Qeveria do të ndihmojë sërish pensionistët dhe ata që kanë nevojë.
“Po shpërndajmë bonusin për pensionistët nga taksa e prillit. Se bëjmë për fushatë”, u shpreh zv.kryeministrja.
Numri dy i Qeverisë i kërkon shqiptarëve që rrinë të qetë për paratë në banka.
“Paratë janë të sigurta. Mos u shqetësoni, hakerat nuk kanë prekur”, vijoi Balluku.
Por Balluku në 14 maj do të jetë e deleguar në qarkun e Dibrës.
“Do t’i fitojmë të 4-ta bashkitë”, u shpreh ajo në intervistën e saj për Abc News.