Policia e Tiranës ka arrestuar një hajdut serial të motorëvë në kryeqytet. Madje, pasi i vidhte ai dilte edhe xhiro me to nëpër Tiranë duke mos qenë i shqetësuar fare. Keshtu i ka ndodhur edhe një natë më parë, ku pasi kishte vjedhur një motor në rrugën “Konferenca e Pezës”, 20-vjeçari po bënte xhiro në zonën e Laprakës.
Me ta parë, efektivët e policisë i janë drejtuar duke kërkuar dokumentet e motorit. I riu u arrestua pas konstatimit se mjeti ishte i vjedhur.
“Po nga specialistët për Hetimin e Krimit në Komisariatin e Policisë Nr. 2 u bë arrestimi në flagrancë i shtetasit E. N., 20 vjeç, pasi në rrugën “Andon Frashëri” u konstatua duke qarkulluar me një motomjet, i cili është vjedhur gjatë natës në rrugën “Konferenca e Pezës”. Gjithashtu ky shtetas është autor i 2 vjedhjeve të tjetra motomjetesh”, bën me dije policia.